O Ministerio de Agricultura, Pesca e Alimentación (MAPA) publicou este martes, 23 de xuño, no Boletín Oficial del Estado (BOE) o extracto da convocatoria para a concesión directa de subvencións ás empresas agrarias de titularidade compartida. O importe total, destinado a cubrir o exercicio de 2026, é de 1.798.000 euros e o seu obxectivo principal é contribuír ao pagamento das cotas obrigatorias da Seguridade Social asociadas a este tipo de sociedades.
As axudas, que serán concedidas de forma inmediata nos casos en que se cumpran os requisitos, non están suxeitas a concorrencia competitiva das persoas solicitantes. Por empresa beneficiaria, que debe estar inscrita en situación de alta no Rexistro de Explotacións Agrarias de Titularidade Compartida (RETICOM) con un mes previo á publicación da convocatoria, a contía máxima anual será de 1.500 euros.
O prazo de presentación de solicitudes, acompañadas da documentación requirida polo ministerio, estará aberto desde o 24 de xuño ata o 14 de xullo de 2026. O proceso pode realizarse a través da sede electrónica da institución.
