Xa está dispoñible o número 60 da revista Vaca Pinta! Neste episodio dedicamos un novo especial ao estrés por calor, que marca o día a día das granxas na época estival. Conversamos con Odón Sobrino, doutor en Veterinaria e colaborador en comités internacionais, sobre o ciclo do nitróxeno aplicado á industria gandeira. Analizamos a actualidade sectorial coa presentación de dous proxectos nacidos na Universidade de Santiago de Compostela: por un lado, Greenlow Pecuaria; e por outro, o novo instituto no Campus de Lugo: iTERRA. Ademais, viaxamos ata Zamora para visitar a ganadería Malillos SC, propiedade de Raúl Malillos e os seus pais, que teñen unha máxima: gañar constantemente calidade de vida.