O Ministerio de Agricultura, Pesca e Alimentación (MAPA) publicou no Boletín Oficial do Estado (BOE) o extracto da convocatoria para a concesión directa de subvencións ás explotacións agrarias de titularidade compartida para o exercicio 2024, por un importe total de 1.795.000 euros.
As axudas convócanse en réxime de concesión directa e non están suxeitas á concorrencia competitiva das persoas solicitantes. A cantidade máxima anual alcanza os 1.500 euros por gandería beneficiaria. A súa finalidade é contribuír ao pagamento das cotas da Seguridade Social ás que están obrigadas as persoas titulares das explotacións agrarias de titularidade compartida.
O prazo de presentación da documentación requirida será de 15 días hábiles contados a partir do día seguinte ao da publicación do extracto da convocatoria no BOE, a través da sede electrónica do Ministerio.
