Xa están dispoñibles na nosa sección de tv os vídeos de todos os relatorios da terceira Xornada Top Gan celebrada o pasado 1 de febreiro na localidade lucense de Vilalba e organizada polo Foro Agro-Ganadero e CLUN co patrocinio de Agrobank, Boehringer, Lallemand e Euronit. O acto contou coa asistencia duns 350 profesionais que tiveron ocasión de coñecer a situación actual e as claves da produción neste sector para os próximos anos.
Entre os relatores contouse coa presencia do catedrático emérito da Universidade Politécnica de Madrid Carlos Buxadé; o veterinario Luis Miguel Jiménez, de Servet Talavera; Luis Queirós, de Lallemand; o técnico de CLUN Alfonso Gorís; o profesor da UPM Miguel Ángel Majano, e o xerente de área de Euronit, Agustín Diadosa.
