A gandería cántabra La Marina de Retortillo (Santana, El Tejo, Valdáliga) este sábado 24 de outubro a sexta edición da súa Poxa de Elite, na que se venderon un total de 29 animais, entre eles 27 xatas e xovencas e dúas vacas de primeiro parto. O prezo medio dos exemplares adxudicados situouse en 2.893,10 euros.
O prezo máis alto da xornada alcanzouno Marina Candy Lola, correspondente ao lote número 37, que foi adquirida por Peñaentera S. C. por 5.050 euros.
Outros exemplares destacados foron Marina Haniko Malasia (lote 39), vendida por 4.200 euros; Marina Havenofear Donata (lote 4), que alcanzou os 4.000 euros, e Marina Clover Mariana (lote 31), adxudicada por 3.800 euros.
Nesta sexta edición, La Marina de Retortillo presentara un catálogo de animais procedentes dalgunhas das mellores familias da explotación, continuando así coa súa aposta pola comercialización de xenética de alta calidade mediante esta cita anual.
