A Associação para apoio à Bovinicultura Leiteira do Norte (ABLN) celebrará o seu 30.º aniversario o 13 de xullo no Espazo AGROS (Póvoa de Varzim) a partir das 10:00 horas.
Tras a recepción dos invitados, Idalino Leão, presidente do Consello de Administración da AGROS, dará a benvida e José Capela, presidente do Consello de Administración da ABLN, abrirá a sesión.
Acto seguido, darán comezo os relatorios con Julio Carvalheira, de ICBAS/CIBIO Biopólis, que falará sobre a selección xenómica no norte de Portugal. Seguiralle Manuel Silveira, de Ruralbit, quen abordará a xestión da información na explotación de gando. João Durr, de CDCB USA, tratará as perspectivas para a avaliación xenética dos bovinos de leite, cunha visión dos Estados Unidos. Para finalizar as charlas, Albano Beja, de FCUP/CIBIO Biopólis, exporá o potencial das tecnoloxías de secuenciación xenómica na produción de leite.
A xornada finalizará cun debate moderado por Nuno Carolino, INIAV/EUVG e pechará a cita a subdirectora xeral da DGAV, Paula Cruz.
