A Facultade de Veterinaria do Campus de Lugo da USC renova ata 2025 a acreditación internacional expedida pola Asociación Europea de Establecementos de Formación Veterinaria (EAEVE), logo de sortear con “éxito” os condicionantes advertidos pola comisión desta axencia europea no proceso de avaliación desenvolvido en setembro de 2018. O profesor belga da Universidade de Lieja Pierre Lekeux, o chairman da EAEAVE, supervisou as actuacións adoptadas pola Facultade de Veterinaria para mellorar as radios e a calidade das prácticas de docencia clínica en gando porcino e equino. Ademais, comprobou in situ os avances realizados nestes ámbitos, o que permite acadar esta acreditación internacional sen ningún tipo de condicionante.
“A renovación da acreditación internacional da EAEVE permite á facultade de Veterinaria do Campus de Lugo permanecer entre os centros de referencia formación veterinaria de toda Europea”, comentou o decano, Gonzalo Fernández Rodríguez. “É un logro importante para todos, porque esta acreditación garante uns estándares de calidade que temos que cumprir”, engadiu, ao tempo que precisou que “cada proceso de avaliación resulta máis complexo, porque os parámetros esixidos son cada vez máis altos”.
