Este xoves celebrouse o acto de entrega da novena edición dos Premios Exceleite á Excelencia Hixiénico-Sanitaria das Explotacións Leiteiras de Leite Cru de Vaca. Os galardóns están promovidos pola Consellería do Medio Rural da Xunta de Galicia.
Na recepción aos gañadores estiveron presentes o presidente da Xunta, Alfonso Rueda, e a conselleira do Medio Rural, María José Gómez.
Os Premios Exceleite avalían parámetros rigorosos como a redución de células somáticas no leite cru, un indicador clave da calidade hixiénico-sanitaria e do benestar das explotacións. O obxectivo destes recoñecementos é incentivar a excelencia mediante boas prácticas que beneficien non só aos produtores, senón tamén ao conxunto do sector e ás persoas consumidoras.
Os Premios Exceleite divídense en tres categorías, en función do seu sistema de produción: extensivo, semiextensivo e intensivo, ademais de contar cun recoñecemento específico para as mellores gandarías ecolóxicas. A continuación deixámosvos a listaxe con todos os premiados:
Gandaría extensiva pequena
Ouro: Agriculvarela
Prata: Lácteos Veigaria
Gandaría extensiva mediana
Ouro: Gandaría Sinesio
Prata: Tallón Lobato
Gandaría extensiva grande
Ouro: Casa Menor 1614
Prata: Gandaría Casa Quinto
Gandaría semiextensiva pequena
Ouro: José Manuel Barreiro Vázquez
Prata: Troitiño
Gandaría semiextensiva mediana
Ouro: Pradeda Pozo
Prata: Pablo Soto Campello
Gandaría semiextensiva grande
Ouro: Gandaría A Casa Landeira de Oa
Prata: Ramón Vales Porto
Gandaría intensiva pequena
Ouro: Antonio Torneiro Pestana
Prata: Concepción García Pereira
Gandaría intensiva mediana
Ouro: María del Carmen Barrán Santiso
Prata: Teresa Fernández López
Gandaría intensiva grande
Ouro: Antonio Sear López
Prata: Gandaría Portela Rivas
Gandaría ecolóxica
Ouro: Granxa Ecolóxica Figueroa
Prata: Casa Codesal
