A Consellería do Medio Rural amplía ata o 15 de outubro o prazo de presentación da licenza municipal de obra e dos diferentes permisos administrativos correspondentes ás axudas a plans de mellora, incorporación de mozas e pequenas explotacións. O Diario Oficial de Galicia publica hoxe a orde quee entrará mañá en vigor.
Ante o elevado número de solicitudes e a complexidade urbanística e sectorial dos expedientes da solicitude de licenza ou permiso administrativo que dificultan a finalización dos procedementos de autorización, varios colectivos solicitaron este aumento do prazo.
Entre as novidades deste ano, cabe lembrar que nesta convocatoria resérvase un 10 % do orzamento para as persoas solicitantes que estean incluídas no desenvolvemento dun proxecto de aldea modelo ou polígono agroforestal, no marco da Lei de recuperación da terra agraria.
