A Asociación de Produtores de Leite Ecolóxico de Galicia decidiu rexistrarse como organización de produtores de leite (OPL) ecolóxico, un proceso que foi encargado a Agronovo Ecoloxía, asesoría especializada en agricultura e gandería ecolóxica. Este paso convértea na primeira OPL específica de leite eco de España.
O principal obxectivo desta OPL é perfeccionar o sector, optimizando os custos de produción e mellorando as condicións para os socios. Para iso, contará con persoal técnico e administrativo e cos medios necesarios cos que apoiarán ao ámbito gandeiro.
Desta maneira, das 34 ganderías que teñen asociadas, 29 integrarán esta OPL, con 9,7 millóns de quilogramos de leite. Así, a OPL aglutina xa ao 12,4 % das explotacións de bovino de leite ecolóxico en España, así como o 20 % de produción de leite cru ecolóxico español.
