O Palacio de Congresos de Santiago de Compostela acollerá os vindeiros 26, 27 e 28 de xuño o Congreso anual da European Dairy Farmers (EDF), un club de gandeiros pertencentes a 22 países europeos que se reúnen anualmente para compartir a información das súas propias explotacións e comparar os diferentes modelos produtivos. O presidente da EDF España, Xusto Sánchez, e o coordinador do Congreso, Pablo Carro, cóntannos as súas experiencias e vantaxes como membros e os obxectivos deste vindeiro encontro.
