Convocadas as bolsas BVD Zero para estudantes de veterinaria

Boehringer Ingelheim convoca o programa de bolsas BVD Zero para estudantes de todo o mundo que cursen terceiro, cuarto ou quinto de veterinaria durante o curso 2019-2020.

Premiarán a 10 alumnos de veterinaria cun importe de 1.000 € e coa asistencia ao Congreso Mundial de Buiatría 2020, que terá lugar o próximo ano en Madrid. A selección realizarase por un comité composto por expertos internacionais, en colaboración cun representante da Asociación Mundial de Buiatría e premiarase a estudantes de veterinaria de todo o mundo que destaquen pola súa excelencia académica e que teñan interese en desenvolver a súa carreira profesional no sector vacún.

O formulario de solicitude (pódese descargar nesta ligazón) deberase enviar antes do 25 de maio e a resolución farase pública entre os días 3 a 7 de xuño.