28-11-2023
O recinto feiral da Picota (Mazaricos, A Coruña) acollerá este domingo, 3 de decembro, a décimo quinta edición da Poxa de Xovencas de Raza Frisona Memorial José Moreira na que se porán á venda un total de 26 animais. As poxas darán comezo ás 11:00 horas e ao finalizar haberá sorteos de varios agasallos valorados en 2.000 euros. O prezo de saída de cada lote, que se dará a coñecer no momento da exhibición, será fixado polo propietario e a Comisión Organizadora.
A información dos animais xa está dispoñible na edición dixital do catálogo, que se pode consultar sobre estas liñas.
