O 6 e o 7 de setembro celébrase no espazo empresarial Agros, na Póvoa de Varzim (distrito de Porto), o 42.º Concurso Nacional da Raza Holstein Frisia de Portugal. O campionato forma parte da programación da AgroSemana, Feira Agrícola do Norte.
O certame está organizado pola Associação Portuguesa dos Criadores da Raça Frísia (APCRF), co apoio técnico da ABLN e da EABL e coa colaboración de Agros – União das Cooperativas de Produtores de Leite de Entre Douro e Minho e Trás-os-Montes UCRL.
Arredor de 150 animais participarán nesta cita. O sábado será a quenda para os mozos manexadores, ademais das xatas e xovencas. O domingo sairán á pista as vacas, entre as que participará a vixente gran campioa, Pereira Undenied Alxina.
O italiano Giuseppe Beltramino será o xuíz encargado de valorar as características dos exemplares. Conta con máis de 25 anos de experiencia no xuízo gandeiro e viaxou por diferentes lugares do mundo para realizar esta función.
O concurso será emitido integramente por Vaca TV e poderá seguirse en directo en vacapinta.com.
