Claudia López, de López Fontela (Aranga, A Coruña), fíxose esta tarde coa vitoria no Concurso Internacional de Novos Preparadores de Gando da Moexmu 2026, organizado polo Club de Xóvenes Gandeiros de Galicia.
Bruno Bande, de Finca Airavella (Castroverde, Lugo), logrou o segundo posto, mentres que Samuel Fernández, de Casa Pozo (Lugo), rematou en terceira posición. O xuíz do certame foi Julián Rodríguez Pérez.
A programación da 42.ª edición da feira continuará mañá, a partir das 10:30 horas no recinto feiral Manuel Vila de Muimenta (Cospeito, Lugo), co XL Concurso de Gando Frisón da Moexmu e o XXXIV Concurso Autonómico da Raza Frisona Fefriga, que se celebrarán simultaneamente e poderán seguirse en directo na nosa web.
