Anembe ultima os detalles para acoller en Madrid o Congreso Mundial de Buiatría 2022

A Asociación Nacional de Especialistas en Medicina Bovina de España (Anembe), que reúne 1.400 veterinarios especialistas en gando bovino, é a encargada de organizar o 31.º Congreso Mundial de Buiatría [World Buiatrics Congress (WBC)] por delegación da Asociación Mundial de Buiatría (WAB), que se celebrará do 4 ao 8 de setembro na capital española.

Durante os cinco días en que se desenvolverá o evento, o Palacio Municipal de Congresos de Ifema Madrid congregará os maiores especialistas en buiatría a nivel mundial, máis de 2.000 delegados internacionais; veterinarios clínicos de gando vacún, ovino e camélidos; investigadores; asesores en medicina da produción, profesionais relacionados con empresas e asociacións, e estudantes de Veterinaria e de Ciencias Animais.

Ao longo das máis de mil intervencións, entre comunicacións e conferencias, trataranse temas relacionados co labor dos veterinarios de ruminantes e daranse a coñecer as últimas novidades e investigacións científicas a nivel internacional. 

En palabras de Joaquín Ranz, presidente de Anembe: "Desde o comité organizador quixemos impregnar o WBC co estilo que a nosa asociación foi achegando nos últimos anos aos seus congresos e algunhas experiencias novas coma no último celebrado en Sevilla, que foi o máis grande dos realizados ata agora".

Nesta ligazón pódese consultar o programa completo do Congreso.