A Aula de Produtos Lácteos e Tecnoloxías Alimentarias (APLTA) celebrará as IV Xornadas de Ingredientes e Aditivos na Industria Láctea e Alimentaria, que terán lugar os días 22 e 23 de outubro de 2026 no Auditorio da Facultade de Veterinaria de Lugo (Avda. Carballo Calero s/n, Lugo).
Tras a excelente acollida das edicións anteriores, nesta nova edición volverán reunir profesionais e expertos do sector para analizar as últimas innovacións en ingredientes e aditivos empregados no desenvolvemento de novos produtos, cun enfoque práctico centrado no deseño e fabricación de derivados lácteos e outros produtos alimentarios.
O programa incluirá dúas conferencias maxistrais impartidas por investigadores de recoñecido prestixio, Ángel Gil e Javier Fontecha, ademais de diversos relatorios nos que se abordarán as tendencias máis relevantes do mercado e os avances tecnolóxicos que están marcando a evolución da industria alimentaria.
Estas xornadas están dirixidas principalmente a responsables e técnicos dos departamentos de I+D+i, innovación, márketing, produción e calidade de empresas da industria láctea e alimentaria. A inscrición está xa aberta e pode realizarse a través da seguinte ligazón ata o día 5 de outubro.
