A gandería La Sielma, da localidade zamorana de Monfarracinos, acolleu onte a primeira edición dos Obradoiros de Morfoloxía e Xenética organizados por Conafe, nesta ocasión coa colaboración da Federación Frisona de Castela e León (Fefricale).
O obradoiro, dirixido a gandeiros de vacún frisón socios de Fefricale, foi impartido por persoal de Fefricale e de Conafe co obxectivo de profundar no coñecemento da morfoloxía da vaca frisoa para coñecer as condicións do rabaño, as súas posibles carencias e a súa capacidade de mellora, así como para facilitar as ferramentas xenéticas que permitan aumentar a rendibilidade da produción, o benestar dos animais e o coidado ambiental.
