A Subdirección Xeral de Producións Gandeiras e Cinexéticas, dependente da Dirección Xeral de Producións e Mercados Agrarios do Ministerio de Agricultura, Pesca e Alimentación, vén de publicar o Informe de Declaracións de Entregas de Leite Cru aos Primeiros Compradores correspondente a outubo. No documento reflíctese un prezo medio do leite en España de 0,35 €/litro no décimo mes do ano.
O valor supón un incremento de máis dun céntimo con respecto ao mes anterior e é superior ao rexistrado en outubro de 2024 (0,487 €/litro). A cifra é a máis alta do último ano, xa que ata o momento non se superaran os 0,519 €/litro (marcados precisamente en setembro).
En canto ao volume de produción mensual, o informe mostra un lixeiro aumento con respecto ao mesmo período do ano pasado. Mentres en outubro de 2024 se declararon 600.654 toneladas de leite, no de 2025 a cifra situouse en 601.902 toneladas.
Pola súa parte, as comunidades autónomas que rexistraron o prezo máis alto en outubro foron Canarias (0,638 €/litro), País Vasco (0,567 €/litro) e Comunidad Valenciana (0,561 €/litro). Polo contrario, os valores máis baixos corresponden a Galicia e Catañuña (0,524 €/litro) e Illas Baleares (0,470 €/litro).
