O índice de prezos dos produtos lácteos fíxase en 3.815 $/tonelada na segunda poxa de xullo de Fonterra. A cifra supón un incremento do 1,5 % con respecto á poxa anterior. Trátase da primeira subida, despois de tres avaliacións consecutivas á baixa.
Neste escenario, destaca a suba do leite desnatado en po (+2,8 %) e a do leite enteiro en po (+1,6 %), que sitúan o seu prezo en 3.234 $/tonelada e en 3.486 $/tonelada, respectivamente.
A mozzarella continúa en valores positivos e volve subir un 1,6 % para alcanzar os 3.940 $/tonelada.
Pola súa banda, a manteiga rexistrou un lixeiro descenso do 0,6 % e sitúase en 5.303 $/tonelada. Non obstante, a maior baixada corresponde ao queixo cheddar, que descendeu un 6,5 % e fixou o seu prezo en 3.586 $/tonelada.
