Organizado pola Asociación de Estudantes de Medicina Veterinaria da Universidade de Tras-os-Montes e Alto Douro, tivo lugar entre os días 16 e 17 de febreiro.
A segunda edición do Encontro Técnico-Científico de Nutrición de Bovinos, que estivo orientado a varias áreas da alimentación animal, contou con conferencias de diferentes profesionais do sector para explicar as últimas novidades e estudos relacionados con esta materia.
Entre os relatores presentes podemos destacar a Quim Baucells, que se centrou na importancia do manexo como clave do éxito; Josep Roquet, de Alltech, quen explicou novas estratexias para a nutrición dos bovinos; Javier López, de Kemin Ibérica, que desenvolveu a charla titulada `Aminoácidos e reprodución´ ou Juan Caínzos, de Elanco, que falou dos efectos da inmunodepresión no proceso produtivo das vacas.
A reunión de diferentes actores da produción animal fixo posible o intercambio de experiencias e coñecementos moi variados.
