Un equipo de Vaca TV desprazarase mañá sábado ao recinto feiral Manuel Vila de Muimenta (Cospeito, Lugo) para retransmitir en directo o XXXIV Concurso Autonómico da Raza Frisona Fefriga e o XL Concurso de Gando Frisón da Moexmu. Ambos certames estarán xulgados polo asturiano Julián Rodríguez Pérez. A emisión poderá seguirse integramente a través da web de Vaca Pinta.
A programación arrancará ás 10:30 horas coa saída a pista das xatas e xovencas participantes. Xa pola tarde, a partir das 15:00 horas, celebraranse as seccións de vacas, das que sairán as grandes campionas de ambos certames.
