A Facultade de Veterinaria de Lugo acollerá este xoves 5 de marzo a Xornada Técnica de Africor Lugo.
Na sesión da mañá participarán José Bernardo Rodríguez, de Agroseguro; Christopher Ferri, gandeiro italiano; Juan José Núñez, de Allflex; Manuel Cerviño, de Boehringer; José Manuel Rodríguez, de Agrobank, e Román González, de SAT Prolesa.
As intervencións da tarde correrán a cargo de Susana Astiz, do INIA, que disertará sobre o secado; e Matilde Hernández, de Naturleite; Ángel Ávila; Xosé Ramón Botana, de Aira, e Pablo Paz, de Clun, quen participarán na mesa redonda `Que lles ofrece o control leiteiro aos técnicos de explotación?´.
ÚLTIMA HORA
O relatorio do gandeiro italiano Christopher Ferri desenvolverase finalmente a través de videoconferencia como medida preventiva ante as últimas noticias de casos de coronavirus en Italia. De todas formas, todos os asistentes poderán realizar preguntas e interactuar co gandeiro tras a súa charla.
