Un grupo de podólogos españois viaxou na segunda metade de marzo a Tokio, onde se celebrou a 20.ª edición do Simposio Internacional e a 12.ª edición do Congreso Internacional de Coxeiras en Ruminantes.
O evento, que reúne a profesionais da podoloxía bovina de todo o mundo, foi unha gran oportunidade para os podólogos españois. Puideron compartir experiencias, descubrir metodoloxías novas e coñecer as tendencias actuais de investigación en saúde podal. Tamén tiveron a oportunidade de traballar e recortar pezuños nunha gandería de Xapón grazas á colaboración de ANKA Cuidado de pezuñas.
A Asociación Profesional de Podólogos Bovinos, que se acaba de crear, apoia este tipo de actividades porque son importantes para o futuro da profesión e para dar un servizo de calidade, adquirindo novos conceptos e puntos de vista.
Precisamente, para continuar neste camiño, a Asociación celebrará o próximo día 4 de maio en Santiago de Compostela a asemblea xeral. Para máis información, poden contactar cos organizadores a través deste correo 2018.appb@gmail.com
