O venres 1 de marzo a Casa da Cultura de Ordes acollerá os IV Encontros Gandeiros, os cales organizan as ADSG de Frades e Mesía e están abertos a todo o mundo.
A xornada dará comezo ás 10.30 cun café de benvida. Durante os relatorios intervirán Juanma Loste (veterinario de Albaikide), quen falará do estado sanitario das explotacións e da creación e inspección da receta veterinaria, e Gerardo Rivero (Producións Gandeiras), que poñerá o foco no consumo de antibióticos.
