A Asociación Frisona Leonesa (Afrile) celebrará o último venres do mes de novembro, día 28, a 12.ª edición da súa Xornada Provincial, coa que pretende seguir difundindo e debatendo sobre os diferentes puntos de vista acerca do futuro do sector do vacún de leite. O encontro terá lugar no Hotel Valjunco, en Valencia de Don Juan (León), e será retransmitido por Vaca TV.
A cita dará comezo ás 12:00 horas coa presentación da xornada a cargo do presidente de Afrile, Froilán García. A continuación, Manuel Vicente Morales, veterinario de Oceva SC, desenvolverá a ponencia titulada “O valor do equipo humano: a base do éxito na produción leiteira”. Seguidamente, levarase a cabo unha mesa redonda moderada por Gregorio Alcántara, director xerente da Federación Frisona de Castela e León, sobre o uso da intelixencia artificial nas tecnoloxías de muxido, con poñentes de Lely, DeLaval e Sayca. A xornada rematará cun xantar e coa entrega dos diplomas ás mellores vacas e gandarías da provincia.
