A Organización de Produtores de Leite (OPL) esíxelle ao Goberno e á Axencia de Información e Control Alimentarios (AICA) que “reaparezan para facer o seu traballo e extremar os controis, no só na etiquetaxe senón tamén no prezo”.
Nun comunicado, a OPL declara que seguen recibindo denuncias de gandeiros que ven como nos supermercados se vende leite por baixo dos custos de produción, unha situación derivada da guerra comercial entre os grandes supermercados.
En concreto, sinalan como a Unión Rexional de Cooperativas de Castela e León (Urcacyl) denunciou onte, a través da súa conta de Twitter, como El Corte Inglés vende leite a 60 céntimos de euro o litro. A isto engaden outra denuncia, a través dun recibo de compra, duns gandeiros en Sumpermercados Lupa con leite a 0,49 euros/litro.
