Este sábado día 26 de outubro, a granxa de Cantabria La Marina de Retortillo (Santana, El Tejo, Valdáliga) poñerá á venda 38 animais na cuarta edición da súa Poxa de Elite. Haberá xatas, xovencas e vacas de primeiro parto, fillas das mellores familias da granxa.
Un dos exemplares máis notables dos que se poxarán é Marina Careful Unica, cunha nai catro veces excelente 91 e sexto parto. Outro animal salientable sería Marina Haniko Carmen, con 6 xeracións MB ou excelente. Finalmente, Marina Have It All Paula, con 9 xeracións MB ou excelente.
O encontro comezará ás 12:00 horas coa exposición ao público. Ás 15:30 horas, tras un aperitivo, comezará a poxa. A entrada é libre, pero é necesario confirmar a asistencia previamente chamando ao 609 008 503 ou ao 616 75 26 82.
