A Escola Internacional de Industrias Lácteas de Zamora (Eilza) abriu a matrícula para o curso de muxido e calidade hixiénica do leite en granxa que se desenvolverá entre o 16 de marzo e o 22 de abril. Este curso, recollido no plan formativo para o 2020, está dirixido a gandeiros, profesionais do sector e a calquera persoa que desexe desenvolver a súa actividade profesional na granxa.
A duración é de 80 horas (50 teóricas e 30 de prácticas en granxas), inclúe a obtención do carné oficial de tomar de mostras e realizarase de luns a venres de 15:00 a 18:00 horas na sede da Escola Internacional de Industrias Lácteas, situada no IES Alfonso IX de Zamora.
O curso terá un custo de 250 €, cunha bonificación do 50 % ás empresas que sexan patróns da Fundación Escola Internacional de Industrias Lácteas.
Máis información e inscricións na web ou en formacion@eilza.es
