A Axencia Galega da Calidade Alimentaria (Agacal) organiza os días 17 e 18 de novembro as xornadas “Valorización do Biometano a través da xeración de enerxía”, que se celebrarán respectivamente nos concellos de Ordes (A Coruña) e Castro de Rei (Lugo).
Esta iniciativa constitúe unha cita clave para promover o aproveitamento do biogás e o impulso da economía circular no sector agrogandeiro galego. As sesións están dirixidas a profesionais do medio rural, entidades do sector primario e interesados na innovación enerxética sustentable.
Durante as xornadas analizaranse as oportunidades do biometano como fonte de enerxía renovable, así como o seu papel na redución de emisións e na mellora da sustentabilidade das explotacións gandeiras.
As persoas interesadas poden inscribirse a través da plataforma FOAGRO no seguinte enlace.
