Este sábado, 13 de xuño, Ascol organiza a oitava edición da súa poxa de xenética frisoa. Será ás 13:30 horas no recinto feiral Luis Adaro de Xixón.
Nesta ocasión, sairán á venda 5 lotes de 2 dous embrións cada un. Concretamente, poxaranse embrións de Andrews Hulu Stella Red ET x Dax Red, Siemers Lstr Hanan 33317 ET x Doubledare, Duckett Lambda Daisy ET x Never Again, Our-Favorite Nashvl Nova ET x Hulu e de Vogue Loyola Macy Red PP ET x Hindsight Red.
Como vendedor, Ascol comprométese a organizar o evento e asegurar que as condicións de poxa sexan xustas e iguais para todas as partes, garantir que as informacións sobre os animais sexan veraces, certificar que os embrións á venda sexan de primeira calidade, salvagardar o correcto estado de conservación e manipulación dos embrións ata a entrega ao comprador, ter os embrións dispoñibles para seren recollidos na data sinalada polo comprador e emitir factura ao comprador.
