Xornada on-line TopGan, este xoves

Este xoves 28 de maio ás 18:00 h terá lugar a xornada on-line TopGan, na que se debaterá a situación da gandería tras esta pandemia provocada pola covid-19.

Carlos Buxadé, catedrático emérito da Universidade Politécnica de Madrid, moderará a mesa de debate, titulada “O actual triángulo clave do sector pecuario: SARS-CoV-2, seguridade alimentaria e implicacións económicas”, na que estarán presentes  Lucas Domínguez, Visavet, catedrático da Facultade de Veterinaria da Universidade Complutense de Madrid; Santiago Vega, catedrático da Facultade de Veterinaria da Universidade CEU-Valencia, e Josep Solé, empresario gandeiro e D.G. área avicultura de Vall Companys.

Todos aqueles interesados poden reservar a súa praza aquí.