GALEGO CASTELÁN
Na portada
Novas | A USC, o Concello de Cospeito e a Moexmu asinan un convenio para a modernización do sistema produtivo e o intercambio de coñecemento Empresas | Experiencia cos cubículos flexibles de Dismagan Empresa | “Cando as vacas se van deitar, non se rozan tanto e, como os cubículos ceden, están máis cómodas” Crónicas Vaqueiras | Un cóctel de inmunidade (II): o caso das xatas peladas Empresa | Chega a Durán Maquinaria Falcon, o novo carro mesturador autónomo de Euromilk Novas | "A pesar de ter propostas na Universidade, sempre tiven claro que o meu futuro pasaría por quedarme no campo e por traballar onde nacín"

Os gandeiros e agricultores poderán presentar a solicitude única das axudas da PAC ata o 31 de maio

O Ministerio de Agricultura, Pesca e Alimentación abriu este martes o trámite de audiencia pública da modificación do Real Decreto 1048/2022, do 27 de decembro, que elimina as penalizacións por presentacións fóra de prazo da solicitude da Política Agraria Común (PAC) para este ano no período comprendido entre o 15 e o 31 de maio.

Esta modificación permite que os agricultores e gandeiros de toda España poidan presentar a súa solicitude única de axudas do ano 2025 ata o 31 de maio.

O ministro Luis Planas anunciou o cambio, co fin de garantir que todos os agricultores e gandeiros poidan tramitar a súa solicitude.

Dende o ministerio trasladan que o ritmo de presentación foi máis lento do habitual por diversas razóns manifestadas polas comunidades autónomas e entidades colaboradoras, incluídas as organizacións profesionais agrarias e cooperativas agroalimentarias.