A última poxa de Fonterra, celebrada onte, saldouse cunha subida do 6,7% no índice global, ata unha media de 3.830 $/t.
Nesta ocasión, o avance foi xeneralizado e todas as referencias pecharon á alza, con especial protagonismo do leite desnatado en po e da mozzarella, que lideraron a subida.
No desglose por produtos, o leite desnatado en po foi o gran protagonista, cun +10,6% e un prezo medio de 2.874 $/t, mentres que a mozzarella rexistrou o mesmo avance (+10,6%) ata 3.694 $/t. Tamén destacou a manteiga, que repuntou un 8,8% e se situou en 5.773 $/t. O leite enteiro en po subiu un 5,3% e acadou 3.614 $/t; mentres que o cheddar avanzou un 3,8% ata 4.772 $/t; e a lactosa anotou unha subida máis moderada, do 1,5%, ata 1.410 $/t.
