13-12-2024
O sábado 25 de xaneiro celebrarase en Friol a primeira poxa de frisón da provincia de Lugo, organizada por Africor Lugo coa colaboración do Concello de Friol. O prazo para inscribir animais remata o 21 de decembro, tras o que se realizarán as probas sanitarias necesarias.
As poxas ofrecen vantaxes para os vendedores, como transporte e coidado dos animais, publicidade das ganderías e concentración de compradores. Para os compradores, destacan as garantías sanitarias, a oferta concentrada de animais locais e o transporte gratuíto dentro da provincia de Lugo.
Para máis información ou inscricións, as persoas interesadas poden contactar con Africor Lugo.
