A gandería
Finca San Mamede, situada en Seavia (Coristanco), continúa recollendo os froitos da súa vitoria no concurso fotográfico “Outra Vaca no Millo” 2025, tras ter recibido recentemente a segunda parte do seu premio.
Cómpre lembrar que a gandaría foi a gañadora da sétima edición do certame organizado por Vaca Pinta, cuxa fotografía obtivo 1.082 “gústames” entre un total de 169 participantes. O premio incluía, xunto co trofeo e o lote de produtos de VacaShop, sementes de Syngenta para 2 hectáreas de millo e 2 hectáreas de cebada híbrida.
Nesta ocasión, a entrega destas sementes materializouse coa visita dos técnicos de Syngenta Álvaro Vaamonde e Diego García, quen fixeron entrega directa do material aos responsables da explotación.
Con esta segunda fase do premio xa completada, Finca San Mamede poderá afrontar a próxima campaña con novas ferramentas agronómicas que contribuirán a mellorar tanto a produtividade como a eficiencia dos seus cultivos forraxeiros.
