Ao acto de clausura celebrado esta mañá na Casa do Saber de Lugo asistiron José Manuel Pereira, director do máster; Tomás Cuesta, director da Escola Politécnica Superior de Enxeñaría da Universidade de Santiago de Compostela; Roberto Fernández, deputado responsable da área de Recursos Sostibles da Deputación Provincial de Lugo e Montserrat Valcárcel, vicerreitora de Coordinación do Campus de Lugo.
Tras o reparto de diplomas aos 12 alumnos desta promoción, fíxose entrega dos premios extraordinarios. Nesta ocasión, o estudante Juán José Nuñez recibiu o primeiro premio, Roi Capón o segundo e Itziar Villanueva foi a mención especial.
