O responsable do salón gandeiro, Javier Camo, presentou os contidos da 14.ª edición da Feira Internacional para a Produción Animal durante a celebración da Feira Nacional do Porco, que tivo lugar na localidade portuguesa de Montijo.
Centrados no crecemento de sectores tan relevantes como o equipamento avícola, porcino e de grandes ruminantes, a alimentación, os correctores e a sanidade animal, Camo destacou a importancia do mercado luso para este certame, que se celebrará do 19 ao 22 de marzo do próximo ano.
Na súa intervención, lembrou a participación en Figan 2017 de 929 firmas expositoras e subliñou “a importancia de potenciar a relación entre a feira e o sector agropecuario da península ibérica”.
