A carpa anexa ao pavillón Lalín Arena, de Lalín, recibirá ao longo do día de hoxe a todos os animais participantes no XIX Concurso Subasta da Raza Frisona Feiradeza, que terá lugar durante esta fin de semana e será xulgado polo catalán Pol Collell.
O certame de xatas e xovencas e o de novos manexadores celebrarase mañá sábado a partir das 16:00 horas e o domingo pola mañá desenvolverase o de vacas de leite e os campionatos. A continuación terá lugar a poxa de gando frisón e, para rematar, a entrega de premios e sorteos.
