Ás 10.00 da mañá deste domingo día 2 de setembro está previsto que dea comezo no recinto feiral de Santa Teresa en Tineo (Asturias) a 28.ª edición do Concurso de Gando de Tineo. Pola mañá terá lugar o campionato de xatas e xovencas e despois de comer desenvolverase o campionato de vacas.
Este certame forma parte da fin de semana de Certames gandeiros que se celebrará na localidade, no que tamén haberá outras actividades como o Concurso de Arrastre de Bois, o Concurso de Raza Asturiana dos Valles ou o Festival Huerta Tineo.
