Os elixidos nesta edición como gañadores foron o profesor Hans Coetzee e o doutor Joshua Aleri
No marco do Congreso Mundial da Asociación Mundial de Buiatría (WAB), a empresa Boehringer Ingelheim fixo entrega dos Premios ao Benestar Animal en Ruminantes, dotados con 20.000 euros. O Premio ao Mérito, concedido ao profesor Hans Coetzee, recoñece as contribucións dos veterinarios e investigadores relacionados coas ciencias veterinarias; mentres que o Premio á Investigación, outorgado ao doutor Joshua Aleri, se lle da a persoas recentemente doutoradas que contribuíran de xeito notable aos coñecementos sobre os ruminantes.
O obxectivo de Boehringer Ingelheim e da Asociación Mundial de Buiatría coa concesión destes premios é sensibilizar á sociedade sobre a importancia do labor que desempeñan os veterinarios para mellorar a vida dos animais de granxa.
