A Facultade de Veterinaria de Lugo acollerá o próximo mércores 6 de marzo a Xornada Técnica de Africor Lugo.
Na sesión da mañá participarán Manuel Cerviño, de Boehringer; Juan Cainzos, de Elanco; Luis Miguel Jiménez, de Servet Talavera, e Alfonso Goris, de Clun, que disertarán sobre diferentes materias en canto ao período seco, ao plan de recría e á eficiencia.
As intervencións da tarde correrán a cargo de Rubén Mosquera, de Aira, que desenvolverá a charla “Plataforma de receita veterinaria electrónica”; Javier López, de Xenética Fontao, cuxo relatorio tratará sobre xenómica, e Laura Molina, de Covap, que explicará as bondades do descornado sen dor.
