O Ministerio de Agricultura, Pesca e Alimentación iniciou o procedemento de consulta pública previo á elaboración do anteproxecto de lei para a modificación da Lei de medidas para mellorar o funcionamento da cadea alimentaria. Segundo o Mapa, o obxectivo desta modificación normativa é dotar de maior trasparencia as relacións comerciais, reforzar a posición do produtor e eliminar as prácticas comerciais desleais.
Co procedemento de consulta pública que agora se inicia facilítaselles aos cidadáns, organizacións e asociacións, que poidan expresar a súa opinión con carácter previo, e así enriquecer o proceso de elaboración do devandito anteproxecto.
Os interesados en participar neste procedemento poderán remitir as súas contribucións a través do portal web do Ministerio, na súa sección “Participación cidadá”, subsección “Participación pública en proxectos normativos”, remitindo un correo electrónico coas súas contribucións á dirección sgfi@mapa.es.
