A Asociación Nacional de Especialistas en Medicina Bovina de España, Anembe, e o Conselho Português de Saúde do Úbere, CPSU, teñen xa todo preparado para a celebración da terceira edición dos Encontros Ibéricos de Calidade do Leite, que terá lugar o próximo 27 de marzo no Hotel Pazo de Adrán, en Teo (A Coruña) .
Durante a mañá serán catro os relatorios que se desenvolverán. Comezará a rolda de intervencións Mónica García, do Centro Veterinario Meira, para explicar diferentes ferramentas para valorar a evolución da saúde de ubre nas granxas. Seguidamente Luís Figueiredo, de SVAExpleite, apuntará que datos son útiles para o seguimento da saúde de ubre e Luís Miguel Jiménez, de Servet Talavera, contestará á pregunta de por que é rendible un programa de saúde de ubre. Finalmente, João Pacheco, de Segalab, falará do retorno económico dos programas de calidade do leite.
Na sesión da tarde, os catros relatores participarán na mesa redonda “O reto de estandarizar os índices técnicos en calidade do leite”, moderada por Luís Pinho, do CPSU, e Oriol Franquesa, de Anembre.
A xornada é gratuíta, pero só se poderá acceder mediante inscrición, por orde de solicitude. Todos os interesados deberán solicitar praza dirixíndose ao correo anembe@anembe.com.
