A Consellería de Desenvolvemento Rural e Recursos Naturais do Principado de Asturias e a Agrupación Española de Entidades Aseguradoras de Seguros Agrarios Combinados (Agroseguro) asinaron hoxe un convenio para apoiar o aseguramento agrario na comunidade asturiana.
O documento rubricado en Oviedo pola conselleira, María Jesús Álvarez, e o presidente de Agroseguro, Ignacio Machetti, consolida as axudas do Principado ás primas de seguros agrarios combinados e regula os ámbitos de cooperación entre a comunidade e a entidade aseguradora. O acordo persegue, segundo o comunicado oficial, asegurar as rendas dos gandeiros e agricultores que subscriban as correspondentes pólizas fronte a perdas económicas provocadas por enfermidades, fenómenos meteorolóxicos adversos ou outros sinistros.
