O Ministerio de Agricultura, Pesca e Alimentación convocou o premio Alimentos de España Mellores Queixos 2019 que ten como obxectivo promocionar o queixo de calidade.
A convocatoria foi publicada hoxe no Boletín Oficial do Estado (BOE) e recolle os requisitos para participar nestes premios que se convocaron para cinco modalidades: Alimentos de España Mellor Queixo de Vaca, Alimentos de España Mellor Queixo de Ovella, Alimentos de España Mellor Queixo de Cabra, Alimentos de España Mellor Queixo de Mestura e Alimentos de España Mellor Queixo con Mofos ou Queixo Azul.
Poderán participar no premio quenes ostenten a titularidade de establecementos autorizados para a elaboración de queixos segundo o recollido na lexislación vixente. Os elaboradores de queixos poderán concursar nunha ou varias modalidades, pero soamente poderán participar cunha mostra por modalidade.
Os queixos presentados ao premio serán de elaboración propia e o concursante deberá xustificar a elaboración anual dun número mínimo de 2.000 pezas ou 3.000 quilos.
O prazo de presentación de solicitudes será de tres meses contados a partir do 27 de xuño.
