A protagonista do 45.º Concurso Nacional da Raza Frisona de Conafe foi nesta ocasión Venturo Happen Rosani, de Casa Venturo (Asturias). Con este galardón, quítalle o trono a Llinde Ariel Jordan que, logo de cinco vitorias consecutivas, nesta ocasión non estivo presente. Os xuíces do certame, Santiago García Souto e Javier Freije Freije, escolleron a este animal como gañador do concurso, que se celebrou ao longo de todo o día de hoxe no recinto ferial Luis Adaro de Xixón (Asturias).
Pola súa parte, o exemplar Ferreiro Rocio Jordy Red Roja, pertencente á gandería Cid (Lugo), foi o vencedor da categoría de vacas de capa roxa. O encontro chega ao seu fin mañá co XXIV Campionato Nacional de Manexadores, a partir das 10:30 horas no recinto feiral Luis Adaro.
