Coa presentación do selo Garantía Ganadera, Central Lechera Asturiana convértese na única empresa do sector con esta certificación, avalada por SGS, líder mundial en inspección, verificación, análise e certificación, a través da cal a compañía se compromete a garantir un abanico de servizos agrarios únicos en España.
Central Lechera Asturiana apoia así aos seus gandeiros e ao mundo rural para garantir a sustentabilidade das súas explotacións e ofrecer o mellor leite. O proxecto engloba un programa de nutrición para mellorar a calidade da alimentación do gando, outro de control de calidade do leite e un terceiro sanitario encamiñado a garantir a máxima saúde do rabaño, que inclúe tamén o desenvolvemento dun control reprodutivo para mellorar a fertilidade do gando.
Ademais, Garantía Ganadera dá acceso aos 1.200 gandeiros e propietarios de Central Lechera Asturiana ao programa TAGEL ou Taboleiro de Xestión de Explotacións Gandeiras, a través do cal se lles asesora na toma de decisións empresariais.
Este selo aparecerá impreso en todos os produtos de Central Lechera Asturiana proximamente.
