A pista do recinto feiral de Santana, na illa de San Miguel, acolleu este venres a celebración das seccións de xatas e xovencas do XXII Concurso Micaelense da Raza Holstein Frisia das Azores, organizado pola Associação Agrícola de São Miguel.
Tras a valoración das diferentes seccións, o xuíz canadense Jon Kingdon elixiu como xovenca gran campiona a Ariel, filla de Terra-Linda Ready-ET, exemplar de José Alexandre Braga Pereira, de Maia (Ribeira Grande).
O certame continuará mañá sábado 16 coa saída á pista das vacas, a partir das 19:00 horas, hora local (20:00 h en Portugal/continente | 21:00 h en España), xornada na que se coñecerá a gran campiona desta edición.
