San Miguel xa vive unha nova edición do XXII Concurso Micaelense da Raza Holstein Frisia das Azores, organizado pola Associação Agrícola de São Miguel no recinto feiral de Santana.
A competición arrincou este venres coa elección dos mellores manexadores, unha das primeiras citas do programa, na que António Raposo e Manuel Raposo obtiveron os recoñecementos nas categorías de mozos e adultos, respectivamente.
Tras esta primeira proba, o certame continúa coa saída á pista das xatas e xovencas, que completarán a xornada inaugural do concurso.
A actividade retomarase mañá sábado 16 coa valoración das vacas, a partir das 19:00 horas, hora local (20:00 h en Portugal/continente | 21:00 h en España), momento no que tamén se coñecerá a gran campiona desta edición.
